admin 百科大全 2022-12-12 12:54:19

马路——一夜之间

上海言话讲述：渺渺

马路——一夜之间

作者：白米

6, [大][运][动][来][啦]！

一夜之间，风向变脱了，七颠八倒，乱七八糟。

到明年，人侪像打了鸡血，个个眼红头颈粗，勿会好说好话了，就只看见举拳头，喊口号：[造][反]啦！

先是叫[破][四][旧][立][四][新]，破倒是[大][破][特][破]，新呢？天晓得。

最开始，有得身着绿军装箍仔红啥兵袖章手里皮带乱甩个学生仔勒马路浪游来游去，碰着小裤脚管花衬衫奶油包头尖头皮鞋妇女烫头发着旗袍个，立刻像一群[疯][狗]介涌上去，揪牢子人张开剪刀就乱剪乱戳，领头个一口京腔[打][倒][资][产][阶][级]，京城南下[串][联]来了。路浪向个人侪拚命逃散开。

马上就是[扫][四][旧]了。

小世露天单位马路口个平凉路浪，有日夜快头火光熊熊，古旧花色门窗老式桌椅沙法，大幅字画古董，还有得长袍马褂咾啥，堆勒一淘，一把火送上西天，[封][资][修]嘛，统统要剷除脱。立勒路上看闹猛个人面孔拨火光照唻绚绚红，还老兴奋个讲，眉州路伊面搭也火烧了，长阳路高廊桥也有个。[革][命][啦]！

要破a资产阶级生话方式了，各行各业侪逃勿脱。最最发噱有趟仔下半日，各只单位侪要出动人员来集合[游][行]，从平凉路底一路西行到江浦路小转弯到长阳路再小转弯返回，沿路单位人马候勒路口加入。小世跟牢自家单位队伍插进后回头一看，游行队伍总有得两里路介长望勿到底，人人挥动小旗帜，三角个长方形个，带队个自然大红旗，红旗一挥[口][号]声震天，誓死与旧世界决裂。有凤凰自行车厂个队伍，伊拉推仔20吋18吋小轮盘脚踏车，高喊我伲勿要资产阶级生活方式。迓迓叫问伊拉做啥，讲回到厂里统统砸烂，以后再也勿生产了。呵呵。

一路慢行突然一阵躁动，原来带头个人勒陌生头来了灵感，革命勿是红色个伐，革命勿是遵左反右伐，葛末路浪向红绿灯哪能桩事体？伊立马通知沿路交通岗亭，[勒][令]交警红灯行绿灯停，交警糊涂了又勿敢争辩，就索性一路红灯到底，[游][行][队][伍][乱]起来了，到底走勿走？又统统归到路左首了。马路浪个卡车公交车呆脱了，到底还是勿敢走。小世告几位同事到江浦路一转弯就寻借口上厕所滑脚了。

紧接着就是[抄][家][斗][人]了。

红啥兵个鼻头管比狗还灵光，伊拉一帮帮一泼泼朝[黑][五][类]人家冲进去，先捺男女主人赶到门口立长板凳[戴][高][帽][子][挂][批][斗][牌]，五花八门，啥个[地][主][资][本][家]，啥个[历][史][反][革][命][反][动][军][官]，啥个[当][权][派]，一个也勿放过。门口贴[大][字][报]，指名道姓某某某，[打][倒]，[打][倒]，[打][倒]！搿帮人进屋[抄][家]，[私][藏][枪][支]有伐，金银财宝有伐，[反][标][反][字]有伐，统统是罪证哦！乃末再拨伊拉一顿生活吃，拿皮带抽，最后[勒][令]只许老老实实不许乱说乱动，明朝起到居委报到，扫马路扫弄堂，[早][请][示][夜][汇][报]。

红啥兵们收拾战利品扬长而去，倒霉人家一天世界大哭小喊，邻舍隔壁竟然也呒没人敢来相劝安慰个，乃末就听到有人[上][吊]有人[投][河]了。[世][道][两][样]了！

到五月中，[最][高][司][令][部]发全国通知了，[大][运][动][正][式]开始，讲是为了[反][修][防][修]，重点[整][走][资][派]。马上全国所有报纸[头][版][头][条][头][号]大字“[横][扫][一][切][牛][鬼][蛇][神]”，叫人魂灵出窍。